Չնայած ծավալված քարոզչությանը` արագ սնունդի վնասների մասին` ամերիկյան այս ոլորտի ընեկրությունները շահույթներ են արձանագրում: Ամերիկյան արագ սննդի McDonald’s ռեստորանների ցանցը հայտնել է, որ 2010թ.-ի չորրորդ եռամսյակում ունեցել է եկամտի կայուն աճ` չնայած նրան, որ Սուրբ Ծննդյան տոների ժամանակ վաճառքը շատ երկրներում եղել է ցածր մակարդակի վրա, երեքշաբթի օրը հայտնել է BBC հեռուստաընկերությունը:
Ընկերության մաքուր եկամուտը հոկտեմբերից դեկտեմբեր ընկած ժամանակահատվածում կազմել է 1,24 մլրդ դոլար` նախորդ տարվա 1,22 մլրդ դոլարի փոխարեն: Շահույթն ավելացել է 4%-ով` հասնելով 6,2 մլրդ դոլարի:
Հաշվետու ժամանակահատվածում ռեստորանային ցանցի վաճառքներն աճել են 4,4% ԱՄՆ-ում և 3,4% Եվրոպայում:
Սակայն շուկայում ակնկալում էին McDonald’s-ի ավելի բարձր ցուցանիշներ, որի հետևանքով ակցիաները սկզբնական շրջանում նվազել էին 1%-ով, ապա նորից աճել:
Մամլո հաղորդագրության մեջ McDonald’s-ը ներդրողներին զգուշացրել է, որ հումքի գինն այս տարում ամենայն հավանականությամբ կաճի, որը բացասաբար կազդի ընկերության արդյունքների վրա:
Ընկերության ներկայացուցիչների խոսքերով, 2010թ.-ի վերջին եռամսյակի ֆինանսական ցուցանիշները դրական էին, չնայած որ Մեծ Բրիտանիայում և Գերմանիայում դեկտեմբերի վերջին «եղանակները շատ վատն էին»:
«2010թ.-ի ընթացքում մենք մեծ վաճառք ենք ունեցել և մեծացրել ենք շուկայում տեսակարար կշիռը: Բացի այդ, աճել են գլոբալ եկամուտները, ինչպես նաև ակցիաները», – BBC-ին մեջբերել է McDonald’s-ի ղեկավար Ջիմ Սքիների խոսքերը: