Երեկ հայտնի է դարձել, որ Google ընկերությունն աջակցում է մի նոր սոցիալական ցանցի, որի նպատակն է պայքարել ողջ աշխարհում ահաբեկչության և հանցավոր խմբերի դեմ:
Daily Mail-ը գրում է, որ ինտերնետային հսկան հաստատել է, որ պատրաստվում է առնվազն երկու տարով ֆինանսավորել Against Violent Extremism (AVE) ցանցին Google Ideas-ի միջոցով:
AVE ծրագիրը նպատակ ունի կապ հաստատել նախկին ծայրահեղականների և ահաբեկչությունից տուժածների միջև։ Այն նաև պատրաստվում է պայքարել հանցավոր խմբերի առաջացրած խնդիրների դեմ:
Սոցիալական ցանցը գործարկվել է երեկ Նյու Յորքում՝ Google Ideas- ի և Institute for Strategic Dialogue-ի կողմից:
Institute for Strategic Dialogue-ի գործադիր տնօրեն Սաշա Հավալիչեկն ասել է, որ նպատակը ծայրահեղականության դեմ համաշխարհային շարժում սկսելն է:
