Նոր Զելանդիայի կառավարությունը որոշել է միանգամայն լուրջ միջոցառումներ ձեռնարկել ծխողների դեմ պայքարելու համար: Երկրի իշխանությունները հաստատել են մի ծրագիր, որի համաձայն՝ ամեն տարի ծխախոտի գինը երկրում կբարձրացվի: Նման ձևով իշխանությունները ցանկանում են մեկ տուփ ծխախոտի գինը հասցնել մինչև 100 դոլարի:
Ինչպես հաղորդում է Sky News-ը, Նոր Զելանդիայի առողջապահության նախարարության կողմից հաստատված ծրագրի համաձայն՝ որոշ տվյալներով 2020 թ., որոշներով՝ 2025 թ. ծխախոտը շքեղություն կհամարվի:
Ըստ առաջին ծրագրի՝ մեկ տուփ ծխախոտի գինը միջինը կբարձրանա տարեկան 30 %-ով և կհասնի մինչև 100 դոլարի: Երկրորդ «սցենարն» ավելի մեղմ է. դրա համաձայն՝ ծխախոտի գինը տարեկան կբարձրացվի 10 %-ով: Այդ դեպքում մեկ տուփ ծխախոտի գինը 2024 թ. կհասնի 40 դոլարի:
Կառավարության կողմից հավանություն ստացած ծրագիրը կարող է ուժի մեջ մտնել 2013 թ.: Պաշտոնյաներն անկեղծորեն խոստովանում են, որ նման խիստ միջոցներով ցանկանում են վերջնականապես արմատախիլ անել ծխելու վատ սովորությունը: