Facebook ընկերության եկամուտները նվազել են` անհանգստություն առաջացնելով ներդրողների շրջանում՝ նախքան ընկերության ֆոնդային շուկայում հայտնվելը:
Ինչպես գրում է Daily Mail-ը, ներդրողները կարծում են, որ ընկերության արագ աճը սկսել է դանդաղել այն ժամանակ, երբ ընկերությունը պատրաստվում է դառնալ հանրային:
Pivotal հետազոտական խմբի հետ աշխատող վերլուծաբան Բրայան Ուիսերը հայտնում է, որ իրենք նման տվյալներ չէին ակնկալում, և, անշուշտ, դա պետք է անհանգստացներ ներդրողներին:
Մարկ Ցուկերբերգի ընկերությունը հաղորդել է, որ իրենք ամսական ունեն 900 միլիոն ակտիվ օգտատերեր, և աշխատակազմը վերջին մեկ տարում համալրվել է 1100 աշխատողներով:
Ընկերությունը հաղորդել է, որ եկամուտը, որը կազմել էր 1.6 միլիարդ դոլար՝ երեք ամիսների ընթացքում, ՝6 տոկոսով նվազել է չորրորդ եռամսյակի համեմատությամբ:
