Ամերիկացի Ջորջ Ցիմերմանը, որը մեղադրվում է սևամորթ դեռահաս Թրեյվոն Մարտինի սպանության մեջ, գրավի դիմաց ազատ է արձակվել: Այս մասին այսօր հայտնում է Reuters գործակալությունը` հղում կատարելով իրավապահ մարմիններին:
Որոշումն այն մասին, որ Թրեյվոնը կարող է ազատ արաձակվել գրավի դիմաց, Ֆլորիդայի դատարանը կայացրել է ապրիլի 20-ին:
Գրավի գումարը դատավորը սահամնել է 150 հազար դոլար: Սկզբի համար մեղադրյալին անհրաժեշտ է եղել վճարել գումարի 10 տոկոսը: Մեղադրող կողմը պնդում էր վճարել 1 միլիոն դոլարի գրավ:
Հաղորդվում է, որ դուրս գալով բանտից, մեղադրյալը նստել է իր հետևից եկած ավտոմեքենան ու հեռացել նահանգից, իսկ թե հատկապես ուր`առայժմ, հայտնի չէ: Ցիմերմանի գտնվելու վայրն անվտանգության նկատառումներով չի հաղորդվում:
Նշվում է, որ մինչ դատը Ջորջն իրավունք չունի կրել զենք, արգելված է լքել տունը երեկոյան ժամը 19.00-ից առավոտյան 06.00-ն ընկած հատվածում: Այս մասին հաղորդում է Associated Press գործակալությունը:
Մեղադրյալի հոր խոսքով` գրավն ամբողջությամբ վճարելու համար ընտանիքը պետք է գրավադրի անշարժ գույքը:
Հիշեցնենք, որ Փլորիդայից 28-ամյա հասարակական պարեկ Ցիմերմանը կրակել էր 17-ամյա սևամորթ պատանու վրա, ով կրում էր հաստ բլուզ՝ կնգուղով: Նրա տեսքը կասկածել էր թվացել պարեկին, ով զանգել էր 911 ու հաղորդել իր կասկածների մասին: Նրանց միջև կռիվ էր ծագել, ինչի հետևանքով սևամորթը սպանվել էր: Մեղադրյալը պնդում է, որ գործել է՝ ինքնապաշտպանությունից ելնելով:
Ապրիլի 12-ին նրան ներկայացվել է սպանության մեղադրանք:
