Նոր հետազոտության համաձայն` կնոջ տրամադրությունը բարձացնելու համար հաճոյախոսությունն առավել լավ ազդեցություն է ունենում, քան սեքսը, գնումները, անգամ շոկոլադը:
Daily Mail-ը հաղորդում է, որ ուսումնասիրությանը մասնակցած 25-45 տարեկան 1056 կանանց մոտ կեսը հայտնել է, որ իրենք ավելի շատ ուրախանում են, երբ կարողանում են ժամանակին կարգի բերել մազերը, քան երբ շոկոլադ են ուտում: Կանանց մեկ երրորդը պատասխանել է, որ իրենց առավել ուրախացնում է նոր հագուստը, քան անկողնում հաճելի գիշերը:
Այնուամենայնիվ, վատ տեսքը կամ ոչ հաճելի զրույցը զուգընկերոջ հետ կարող է փոխել կանանց տրամադրությունը և ստիպել նրանց կորցնել իրենց փայլը:
Appletiser-ի իրականացրած հետազոտությունը նաև ցույց է տալիս, որ կանանց 41 տոկոսն ասել է, որ հաճելի հաճոյախոսությունը կամ տեքստային հաղորդագրությունը կարող է բարձրացնել իր տրամադրությունը: Փաստորեն, այն կարծրատիպը, որ կնոջ համար առաջին հերթին կարևոր է, թե ինչպիսի տեսք ունի ինքը, այնուամենայնիվ ճիշտ է:
