Սանտա Կրուսում վթարվել է երկու ինքնաթիռ: Վթարների հետևանքով զոհվել է ութ մարդ, այդ թվում` «Ազգային կոնվերգենցիա» ընդդիմադիր կուսակցության սենատոր Հերալդ Օրթիսը և նրա հայրը:
Curtiss C-46 մակնիշի երկշարժիչ ինքնաթիռը շաբաթ օրը թռել է Viru Viru միջազգային օդանավակայանից: Թռիչքից անմիջապես հետ Օրթիսի հայրը, որ վարել է ինքնաթիռը, դիսպետչերին հայտնել է խնդիրների մասին և հարկադիր վայրէջք խնդրել: Մի քանի րոպե անց ինքնաթիռն ընկել է և այրվել: Հերալդ Օրթիսը, որ եղել է ինքնաթիռի երկրորդ օդաչուն, նրա հայրը և արհեստավորը մահացել են: Սենատորի որդին հրաշքով կենդանի է մնացել և հիվանդանոցում է:
Մեկ այլ ինքնաթիռ` Cessna 206-ը, որը թռել էր Տրոմպիլոյի օդանավակայանից, կորել էր դեսադաշտից շաբաթ օրը գիշերը: Ինքնաթիռը հաջողվել է հայտնաբերել կիրակի օրը Մոնտեագուդո բնակավայրից 10 կմ հեռավորության վրա: Օդանավում գտնվել են հինգ մարդու անկենդան մարմիններ, ովքեր եղել են շինարարական կազմակերպության աշխատակիցներ:
Բոլիվիայի քաղաքացիական ավիացիայի Գլխավոր կառավարման փորձագետները պարզում են վթարների պատճառները: Երկրի նախագահ Էվո Մորալեսը ցավակացություն է հայտնել զոհերի ընտանիքներին:
