ԱՄՆ-ի ռազմական կոնտինգենտին պատկանող Black Hawk ամերիկյան ռազմական ուղղաթիռը չի պայթել, ինչպես ավելի վաղ էին կարծում, այլ պայթեցվել է մահապարտ ահաբեկչի կողմից: Այս մասին լրագրողներին հայտնել է տեղական ոստիկանության ներկայացուցիչը:
Նա պատմել է, որ ուղղաթիռը եղանակային վատ պայմանների պատճառով վայրէջք է կատարել Գիլմենդ նահանգում` ոստիկանական անցակետի հարևանությամբ: Դրանից հետո մահապարտ-ահաբեկիչը պայթեցրել է այն, ինչի հետևանքով սպանվել է ամերիկացի 4 զինծառայող, ինչպես նաև 4 ոստիկան: Եվս 7-ն ստացել են վնասվածքներ:
Սակայն, ինչպես նկատում է Interfax գործակալությունը, մինչ օրս ամերիկացիների մահը պաշտոնապես չի հաստատվել:
«Թալիբան» ու «Ալ-Քաիդա» շարժման ահաբեկիչները հինգշաբթի դարձյալ հանդես են եկել Աֆղանստանում ՆԱՏՕ-ի ռազմական կոնտինգենտի հասցեին սպառնալիքներով:
