ԱՄՆ պետքարտուղարի` ժողովրդավարության և մարդու իրավունքների հարցերով տեղակալ Մայքլ Պոսները երեկ օտարերկրյա լրագրողների հետ հանդիպմանը հայտարարել է, որ խոսքի ազատության հետ կապված իրավիճակն ամենուր վատանում է, բացի «արաբական գարնան» երկրներից և Մյանմարից: Ինչպես հաղորդվում է պետքարտուղարության կայքում, Պոսները հենվել է Լրագրողների պաշտպանության կոմիտեի տվյալների վրա, ըստ որոնց՝ 2012 թ. հետապնդման է ենթարկվել 179 լրագրող:
Պոսների ելույթը տեղի է ունեցել մայիսի 3-ին Մամուլի ազատության համաշխարհային օրվա տոնակատարությունների նախաապատրաստման շրջանակններում: Այդ կապակցությամբ Թունիսում նախատեսվում է անցկացնել ՅՈՒՆԵՍԿՕ-ի հատուկ կոնֆերանս՝ նվրված ԶԼՄ-ների ազատությանը:
Պոսները ներկայացրել է նաև հանրային դիվանագիտության հարցերով պետքարտուղարի տեղակալ Թար Սանշայնին: Վերջինս իր ելույթում նշել է այն տնտեսական խնդիրները, որոնց բախվում է ժամանակակակից լրագրությունը: Նա նաև կոչ է արել կառավարությանը ավելի բաց լինել ԶԼՄ-ների և, վերջին հաշվով, իրենց քաղաքացիների համար:
