Բնական գազը ՌԴ տնտեսության «լոկոմոտիվներից» է, սակայն ռուսական գերիշխանությունը շուկայում վտանգի տակ է: Այս մասին գրել են InoPressa և The Financial Times (FT) պարբերականները:
«Ռուսաստանի համար իրական վտանգը գալիս է ոչ թե ամերիկյան թերթաքարային գազից, այլ հարևան Ուկրաինայում, Ռումինիայում, Բուլղարիայում և Լեհաստանում նման հանքավայրերի յուրացումից»,- նշում են պարբերականները:
Թերթաքարային գազի արտադրության զարգացումն աստիճանաբար կամրապնդի սպառողների դիրքերը Газпром-ի հետ բանակցություններում:
Այս փոփոխությունները զգացել է նաև ՌԴ վարչապետ Վլադիրմիր Պուտինը, ով անցած շաբաթ ելույթ ունենալով Պետդումայում՝ նշել է, որ թերթաքարային գազի շուկայում «բումը» կարող է լրջորեն փոխել համաշախարհային էներգետիկ շուկան:
Քանի որ ԱՄՆ-ում թերթաքարային գազի արտադրման աճը մեծ ազդեցություն է թողել բնական գազի շուկայի վրա` հասցնելով վերջինիս արժեքն ամենացածր նիշի, Կրեմլը սկսել է մեծ ուշադրություն դարձնել այդ խնդրի վրա:
