Lenta.ru-ն գրում է, որ հետազոտողներն իրենց աշխատանքի համար օգտագործել են Last.fm երաժշտական կայքի տվյալները, որտեղ նշված են նաև ունկնդիրների գտնվելու աշխարհագրական վայրը: Մաթեմատիկոսներն ուսումնասիրել են 2003-2012 թթ. տվյալները՝ 200 քաղաքների միջև:
Ժամանակակից վիճակագրական մեթոդներով հեղինակները կազմել են գրաֆիկ, որտեղ ընդգծված կապերով երևում են երաժշտական կրքերի տարածման ուղղությունները: Հետազոտողները նույնիսկ մի քանի գրաֆիկներ են կազմել՝ տարբեր երաժշտական ժանրերի վերաբերյալ: Հյուսիսային Ամերիկյաում հիփ-հոպի նորաձևության կենտրոը Ատլանտան է, իսկ ինդիինը՝ Մոնրեալը: Եվրոպայում այդ դերերը վերագրված են Օսլոյին և Փարիզին:
Ստացված գրաֆիկը հետաքրքիր հատկություններ ունի: Այսպիսով՝ նման երաժշտական նախասիրություներ ունեցող քաղաքները կապված չեն միմյանց հետ, բնակիչները չեն ազդել մյուս քաղաքի բնակիչների նախասիրություների վրա: Պարզվել է նաև, որ երաժշտական նորաձևությունը կապ չունի քաղաքի բնակչության հետ: Նյու Յորքն ու Լոնդոնը բավականին համեստ դիրքեր են զբաղեցրել:
Մաթեմատիկոսների կազմած մոդելը վերջնական և հաստատուն չէ, քանի որ արտացոլում է միայն Last.fm-ի տվյալները: Հետազոտողները խոստանում են շարունակել ուսումնասիրությունները:
Մաթեմատիկոսներին վերջին շրջանում հետաքրքրում է նաև սոցիալական ցանցերում ինֆորմացիայի տարածման մեխանիզմները:
