Թուրքական Anadolu գործակալության փոխանցմամբ՝ Թուրքիայի՝ Եվրամիության հարցերով պետնախարար ու գլխավոր բանագնաց Էգեմեն Բաղըշը Մալթա կատարած այցից հետո հայտարարել է, որ Թուրքիան Հայոց ցեղասպանության պնդումներին կպատասխանի «Մալթայի փաստաթղթով».
«1915 թվականի իրադարձությունների կազմակերպման մեջ մեղադրվող մի շարք գործիչներ 1919 թվականին աքսորվեցին Մալթա: Նրանց թվում էին նախկին նախարարներ, հրամանատարներ, բարձրաստիճան պաշտոնյաներ: Սակայն Մալթայի անգլիական դատարանն արդարացրեց նրանց բոլորին՝ կապված 1915 թվականի իրադարձությունների հետ: Այսինքն՝ ոչ ոք իրավունք չունի այս ազգին մեղադրել ցեղասպանություն գործելու մեջ»:
