Այս շաբաթ Օքսֆորդի և Վատիկանի համալսարանները հայտարարել են համագործակցության ծրագրի մասին, որի նպատակն է թվայնացնել հին ու հազվագյուտ տեքստերի 1.5 միլիոն էջ, որոնցից շատերը 16-րդ դարի գրություններ են: Այս ծրագիրն իրականացնելու համար հարկավոր կլինի 4 տարի, և այն հնարավոր կլինի իրագործել միայն Polonsky հիմնադրամի կողմից տրամադրված 3.1 միլիոն դոլարի չափով ֆինանսավորման շնորհիվ:
Polonsky հիմնադրամը բարեգործական ընկերություն է, որը աջակցում է գիտական, մշակութային հետազոտությունների իրականացմանը:
Ars Tecnica-ն հաղորդում է, որ թվայնացված էջերում կներառվեն տպագիր գրքեր, հունական ձեռագրեր, կրոնական աշխատություններ, ինչպես նաև՝ Պլատոնի, Հիպոկրատի և այլոց աշխատությունները:
Ինչպես հաղորդում է հիմնադրամը, ծրագրի նպատակն է դեմոկրատացնել տեղեկատվության հասնելիությունը, ավելացնել երկու գրադարանների հավաքածուների թվային տարբերակների քանակը` աշխարհին գրադարանների հարստությունը ներկայացնելու համար։
