Գվինեա-Բիսաուում ապրիլի 13-ին տեղի է ունեցել ռազմական հեղաշրջում: Սպաներն ու զինվորները կալանավորել են ժամանակավոր նախարարին, երկրի վարչապետ Ռայմունդո Պերեյրունին ու Կառլոս Գոմեսին: Այս մասին հայտնում է Agence France-Presse-ը:
Տեղական բանակի ղեկավարությունը հայտարարություն է տարածել, որտեղ հայտնել է իշխանությունն իր ձեռքերում չպահելու ցանկության մասին ու հայտարարել է այն քաղաքացիական կառավարությանը հանձնելու մասին:
Զինվորականների խոսքով`նրանք ստիպված էին հեղաշրջել գործող իշխանությունը, քանի որ տեղյակ էին երկրի իշխանությունների ու Անգոլայի միջև գաղտնի համաձայնության մասին:
Համաձայն այդ տեղեկատվության` երկրի նախագահն ու վարչապետը պատրաստվել են «ոչնչացնել Գվինեա-Բիսաուի զինված ուժերը արտասահմանցի զինուժի օգնությամբ»:
Գվինեա-Բիսաուի փողոցներում հայտնվել են բարիկադներ ու շրջում են զինված պարեկներ: Ավելի շատ զինծառայողներ կան կառավարական շրջանում: Առայժմ, սակայն, հայտնի չէ, թե հատկապես ով է հեղաշրջման առաջնորդն ու ով է պատասխանատու երկրում ստեղծված իրավիճակի համար:
