Wikileaks-ի հիմնադիր Ջուլիան Ասանժի «Աշխարհը վաղը» (The World Tomorrow) հեռուստանախագծի պրեմիերան Russia Today հեռուստաալիքով կցուցադրվի ապրիլի 17-ին: Այս մասին հայտնում է «Ռոսբալտը»:
«The World Tomorrow ծրագիրը եթեր դուրս կգա միաժամանակ RT-ի 3 ալիքներով` անգլերեն, արաբերեն ու իսպաներեն լեզուներով: Ծրագրի նկարահանումները տեղի են ունենում Լոնդոնում, որտեղ Ջուլիան Ասանժը տարուց ավելի է` գտնվում է տնային կալանքի տակ, թեն նրան պաշտոնապես մեղադրանք չի առաջադրվել: Նախագծի հաղորդավար և հեղինակ Ջուլիանը կհյուրընկալի հետաքրքիր ու նշանավոր մարդկանց` բոլոր նրանց, ովքեր, ըստ նրա, պետք է ձևավորեն վաղվա օրը»,- նշված է հեռուսատաալիքի մամլո հաղորդագրության մեջ:
Շուրջօրյա տեղեկատվական RT հեռուստաալիքը, որը հեռարձակվում է Մոսկվայից և Վաշինգտոնից 3 լեզվով, դիտում է ավելի քան 480 մլն մարդ:
Ներկայումս Ասանժը Մեծ Բրիտանիայում կալանքի տակ է, որտեղ սպասում է իրեն Շվեդիային արտահանձնելու վճռին:
