PS Vita շարժական խաղային ապարատը Ճապոնիայում վաճառքի անկման ռեկորդ է սահմանել: Այս մասին տեղեկացնում է lenta.ru-ն՝ հղում անելով Media Create հետազոտական ընկերությանը: Վերջին մեկ շաբաթվա ընթացքում Ճապոնիայում վաճառվել է 8931 սարք:
Sony-ի նախկին PSP կոնսուլը վաճառվում է շատ ավելի լավ: Վերջին շաբաթում ճապոնացիները գնել են սարքի 15 հազար, իսկ նախորդող շաբաթում՝ 20 հազար օրինակ:
Nintendo ընկերության 3DS խաղային ապարատները, որոնք համարվում են PS Vita-ի գլխավոր մրցակիցը, մեկ շաբաթում վաճառվել են 72 հազար օրինակով: Այն շարժական խաղային ապարատները ճապոնական շուկայում վաճառքի ծավալներով շարունակում են առաջատար դիրք զբաղեցնել:
Գրպանում հարմար տեղավորվող PS Vita-ն ճապոնական շուկա է դուրս եկել 2011-ի դեկտեմբերի 17-ին: Թողարկման առաջին շաբաթում այն գնել էին ավելի քան 300 հազար օրինակով, որից հետո վաճառքի ծավալները սկսեցին կտրուկ իջնել: Երկրորդ շաբաթվա վաճառքը կազմել էր 72,4 հազար օրինակ:
