ՄԱԿ-ի գլխավոր քարտուղար Պան Գի Մունը լրագրողներին հայտնել է, որ կազմակերպությունը պատրաստվում է 200 դիտորդներ ուղարկել Սիրիա՝ կրակի դադարեցման գործընթացը վերահսկելու համար:
Ինչպես հաղորոդում է BBC-ն, գլխավոր քարտուղարի խոսքերով՝ առաջին 30 դիտորդները կարող են Դամասկոս ժամանել մինչև ապրիլի 16-ը:
ՄԱԿ-ի Անվտանգության խորհուրդը կշարունակի Սիրիայի վերաբերյալ քննարկումները ապրիլի 13-ի կոնֆերանսում:
Պան Գի Մունը նշել է, որ Անվտանգության խորհրդին, հնարավոր է, կհաջողվի փոխել «աշխարհի սկեպտիկ դիրքորոշումը» մերձավորարևելյան խնդրի վերաբերյալ, որն առաջացել է Սիրիայի նախագահ Բաշար Ալ-Ասադի անկարողությամբ՝ պահել հակամարտության խաղաղ կարգավորման իր խոստումները:
Չնայած ապրիլի 10-ին զինադադարի հաստատմանը՝ ընդդիմությունը պնդում է, որ կրակի դադարեցումից հետո շուրջ 15 մարդ զոհվել է:
