«Առաջին լրատվական»-ին հատնի է դարձել, որ սեփական ավտոմեքենայի մեջ այս առավոտ սպանվել է 1985թ. ծնված Կարեն Եսայանը: Կարեն Եսայանը հայտնաբերվել է Mercedes-Benz մակնիշի 16 OL 850 պետհամարանիշով իրեն պատկանող ավտոմեքենայի մեջ:
Մեր տեղեկություններով Կարեն Եսայանը Գյումրիի քաղաքապետի դստեր նշանածն էր: Այս առավոտ, Կարեն Եսայանի ծնողները դիմել են ոստիկանություն` հայտնելով իրենց որդու անհետացման մասին:
Այսօր` մոտ մեկ ժամ առաջ, ոստիկանությունը Կարեն Եսայանին` սպանված, գտել է սեփական ավտոմեքենայի մեջ:
«Առաջին լրատվական»-ին հաջողվեց քիչ առաջ կապ հաստատել Գյումրիի քաղաքապետ Վարդան Ղուկասյանի հետ, որը հաստատեց կատարվածը:
Ավելի վաղ ոստիկանությունը հաստատել էր այս տեղեկությունը: Կատարվում է քննություն:
