ՆԱՏՕ-ն հավատարիմ է Աֆղանստանում կառավարումը մինչև 2014 թ. վերջը այդ երկրի իշխանություններին հանձնելու ծրագրին: Այսպիսի հայտարարություններ է արել ՆԱՏՕ-ի գլխավոր քարտուղար Անդերս Ֆոգ Ռասմուսենը:
Նշենք, որ ավելի վաղ ՆԱՏՕ-ի գլխավոր քարտուղարը ժամանել է Աֆղանստան, որպեսզի բանակցություններ վարի այս երկրի նախագահ Համիդ Կարզայի հետ:
Միջազգային ուժերի Քաբուլում գտնվող ռազմակայանում ելույթ ունենալու ժամանակ Ռասմուսենը ընդգծել է, որ 2013 թ. կեսերից Աֆղանստանում աֆղանական ուժերը պետք է օժանդակ ուժ լինեն:
Ներկայիս դրությամբ աֆղանական անվտանգության ուժերի թիվը հասնում է 330 հազարի: 2012 թ. վերջում այն պետք է աճի մինչև 352 հազարը:
Իսկ մինչ այդ դաշինքի տեղեկատվական բյուրոյի ղեկավար Ռոբերտ Պշելը հայտարարել էր, որ ՆԱՏՕ-ն չի բացառում Աֆղանստանում իր ներկայությունը 2014 թվից հետո էլ:
