Գերմանական իշխանությունները հասել են 150 մլն եվրո արժողությամբ փողերի լվացման գործի ավարտին, որը հարուցված էր դանիացի իրավաբանի ու Commerzbank AG-ի 4 աշխատակիցների դեմ: Գործին խառնված էր նաև ՌԴ կապի նախկին նախարար Լեոնիդ Ռեյմանը:
Ինչպես գրում է The Wall Street Journal-ը, բանկի աշխատակիցներին մեղադրել են նրանում, որ նրանք Ռեյմանին օգնել են վաճառել ռուսական պետությանը պատկանող հեռահաղորդակցության ակտիվները, որոնք Ռեյմանը անօրինականորեն փոխանցել է իր անվանը:
Հրատարակությունը հավելում է, որ չորս հայցվորները, որոնք առաջվա պես չեն ընդունում իրենց մեղքը, պարտավորվում են գործի կարգավորման շրջանակում վճարել 5-40 հազար եվրո:
5-րդ հայցվորի վրայից հանվել են մեղադրանքները` կապված վաղեմության ժամկետի սպառման հետ:
Արդարադատության ներկայացուցիչները հայտարարել են, որ դատական փաստաթղթերի թվում կա նամակ ռուսական դատախազությունից, որտեղ նշվում է, որ օրենքների ոչ մի խախտում չի եղել:
