Nvidia ընկերությունը 2013 թվականին կներկայացնի պրոցեսորների նոր սերունդ՝ Tegra 4 պայմանական անվանումով: Այս մասին հայտնում է lenta.ru-ն՝ հղում անելով Engadget բլոգին:
Tegra 4-ը դիտարկում է առնվազն 4 չիպային լուծում: Երկուսը նախատեսված են ֆլագմանյան մեխանիզմների, մյուս երկուսը՝ բյուջետային ապարատների համար: Բոլոր պրոցեսորները կազմված կլինեն 4 հիմնական միջուկներից և 5-րդ՝ միջուկ-ուղեկցից: Այսպիսի սխեմա է օգտագործվում նաև Tegra 3-ում:
3 պրոցեսորներում կգործի ARM Cortex A15 միջուկը, իսկ չորրորոդում՝ Cortex A9-ը:
Չորս պրոցեսորներից մեկը՝ SP3X-ը, կապահովի LTE ցանցի աշխատանքը: Tegra-ի ժամանակակից պլատֆորմները նման հնարավորություն չեն տալիս, այդ իսկ պատճառով LTE սմարթֆոնների արտադրողներն իրեց սարքավորումներում Qualcomm պրոցեսորներ են տեղադրում:
Չիպերից մեկը կթողարկվի 2013-ի հունվար-մարտ ամիսներին: Մյուսները շուկայում կհայտնվեն ավելի ուշ: Սպասվում է, որ Tegra 4-ը հիմնականում կկիրառեն Windows 8 օպերացիոն համակարգով աշխատող պլանշետների արտադրությունում:
Tegra 3-ը ներկայացվել էր 2011-ի փետրվարին, շուկայում հայտնվել նոյեմբերից:
