Ռուսաստանի որոշ բնակիչներ արդեն զրկվել են աշխատանքից ծխելու պատճառով, սակայն գործատուների երեք քառորդը դեռ պատրաստ չեն հետևել Ռուսաստանի գլխավոր սանիտարական բժիշկ Գենադի Օնիշչենկոյի համապատասխան կոչին և հեռացնել ծխող աշխատողներին: Այս մասին գրում է «Վեդոմոստի» թերթը՝ վկայակոչելով superjob.ru պորտալի անցկացրած հարցման արդյունքները:
Ըստ հարցման՝ ծխողներին աշխատանքից պատրաստ է հեռացնել գործատուների 7%-ը, 74%-ը պատրաստ չեն նման քայլի դիմել, 13%-ը դժվարացել է պատասխանել, և միայն 6%-ն է հայտարարել, որ իրենց ընկերությունում ծխողներ ընդհանրապես չկան:
Թերթը գրում է, որ որոշ գործատուներ արդեն սկսել են հեռացնել ծխող աշխատողներին:
Հիշեցնենք. Ռուսաստանի գլխավոր սանիտարական բժիշկ Գենադի Օնիշչենկոն բազմիցս հայտարարել է, որ անհրաժեշտ է հակածխախոտային օրենք ընդունել և արգելել ծխելը հասարակական վայրերում:
