Հարավկորեական բլոգերը հրապարակել են Samsung Galaxy S III նոր Android գերզգայուն հեռախոսի ցուցադրության հրավիրատոմսերի լուսանկարները: Եթե դրանք կեղծ չեն, ապա նոր հեռախոսի շնորհանդեսը կկայանա մայիսի 22-ին Լոնդոնում: Սարքավորումն ունի արծաթագույն կմախք:
Կորեական լրատվամիջոցների տվյալներով՝ նորույթն այժմ փորձաշրջան է անցնում օպերատորական կապերի հետ, ինչի համար սովորաբար պահանջվում է երկու ամիս: Ավելի վաղ տվյալներ են հրապարակվել, որ Galaxy S III-ը 4,65 դյույմանոց էկրան ունի:
Նոր սարքավորումը կարող է դառնալ առաջին գերզգայուն հեռախոսը՝ «դասական» RGB մատրիցայի, այլ ոչ PenTile տեխնոլոգիայի կիրառմամբ: Վերջինս ավելի էժան է, բայց արտացոլման որակը ավելի վատն է:
Սարքավորումը հագեցած է լինելու անլար էներգիայի լիցքավորման համակարգով: Այն թույլ կտա մարտկոցը լիցքավորել նույնիսկ այն ժամանակ, երբ հեռախոսը դրված է լիցքավորման կայանից երկու մետր հեռավորության վրա:
Բացի այդ, հավանական է, որ նոր հեռախոսը ունենա 12 մեգապիկսելանոց նկարահանման խցիկ, որը թույլ կտա նկարահանել Full HD ֆորմատում: 4G և Near Field Communication (NFC) համակարգերը ևս չեն բացառվում:
