Ֆրանսիացի դերասան Ալեն Դելոնի ժամացույցների հավաքածուն Փարիզում աճուրդում վաճառվել է 443 հազար եվրոյով:
Ինչպես հաղորդել է «Քորներ դե Սենտ-Սիր» առևտրային տան ներկայացուցիչը, ընդհանուր առմամբ ներկայացվել է 150 լոտ: Այս մասին հայտնում է ITAR-TASS գործակալությունը:
Դելոնի կեսդարյա հավաքածուն ներառել է այնպիսի հայտնի ապրանքանիշներ, ինչպիսիք են՝Audemars Piguet, Breitling: Շատ ժամացույցներ ունեն իրենց պատմությունը: Օրինակ`Royal Oak մոդելը դերասանը կրել է «Ինչպես բումերանգ» (1976), «Ոստիկանի խոսքը» (1985), «Մի՛ արթնացրեք քնած ոստիկանին» (1988) ֆիլմերում:
Այդ ժամացույցները գնել է Դելոնի չինացի երկրպագուն, որը 69 հազար դոլար է վճարել դրանց համար այն դեպքում, երբ դրանց շուկայական արժեքը ընդամենը 2.5 հազար եվրո է: Նույնքան գումարով է վաճառվել Tank բացառիկ մոդելը` փորձագետների կանխատեսումներից 40 անգամ ավելի թանկ:
