France-Presse գործակալության փոխանցմամբ` վերջին օրերին թուրք-սիրիական սահմանը հատել են մոտ հազար սիրիացի փախստականներ: Դրանով իսկ Թուրքիայում գտնվող սիրիացի փախստականների թիվը գերազանցել է 20,000-ի սահմանագիծը՝ կազմելով 21,622 մարդ:
Իսկ Թուրքիայի արտակարգ իրավիճակների վարչության տվյալներով՝ վերջին օրերին Թուրքիայում գտնվող սիրիացի փախստականների թիվն աճել է 1600-ով: Նշվում է, որ դա վերջին ամիսներին Սիրիայից Թուրքիա ժամանած փախստականների ամենամեծ խումբն է: