Չիլիի ֆուտբոլի ֆեդերացիայի ներկայացուցիչ Սերխիո Խադուեն հայտնեց, որ 2015 թվականին կայանալիք Ամերիկայի գավաթի խաղարկությունը կանցկացվի Չիլիում: Այդ որոշումն ընդունվեց այն բանից հետո, երբ Բրազիլիան հրաժարվեց ընդունել առաջնությունը:
Բրազիլիան հրաժարվել է անցկացնել Ամերիկայի գավաթի խաղարկությունը իր երկրում կայանալիք մի շարք լայնամասշտաբ միջոցառումների անցկացման ծանրաբեռնվածության պատճառով: Բրազիլիայում 2013 թվականին կանցկացվի Կոնֆեդերացիայի գավաթը, 2014-ին՝ Ֆուտբոլի աշխարհի առաջնությունը, 2016-ին՝ Օլիմպիական խաղերը:
Խադուեն հույս հայտնեց, որ իր երկիրը կկարողանա պատշաճ մակարդակով անցկացնել այդ առաջնությունը:
Հիշեցնենք, որ Ամերիկայի գավաթի խաղարկությունը 1991 թվականին ևս անցկացվել է Չիլիում, իսկ չիլիացիները երբեք չեն հաղթել այդ առաջնությունում:
