Իսրայելական Курсор լրատվական գործակալության փոխանցմամբ՝ Իրանի միջուկային օբյեկտներին Իսրայելի հնարավոր հարվածը կարող է հետաձգվել մինչև 2013 թվականը: Այս մասին հայտնել են Իսրայելի պաշտպանական շրջանակների բարձրաստիճան աղբյուրները:
Վերջիններիս հաղորդմամբ՝ Իրանի դեմ սահմանված պատժամիջոցները սկսել են տալ իրենց արդյունքները: Բացի այդ, զինվորականները հայտարարում են, որ պետք է սպասել Իրանի ու «Վեցնյակի» միջև առաջիկա բանակցությունների ավարտին:
Աղբյուրներն ընդգծում են, որ տեսականորեն Իրանի վրա Իսրայելի հարձակումը կարող է իրականացվել 2013 թվականին: Բացի այդ, նշվում է, որ ԱՄՆ-ն ու Իսրայելը համակարծիք են այն հարցում, որ Իրանի ղեկավարությունը ռազմական նպատակներով ուրանի հարստացումը սկսելու մասին ռազմավարական որոշում դեռ չի կայացրել: