Գարեջուր ըմպած կանանց համար տղամարդիկ ավելի գրավիչ են դառնում, ինչը քիչ հավանական է տղամարդկանց պարագայում: Գիտնականները պարզել են, որ «գարեջրի ակնոցներ» կոչվող երևույթը առավելապես ազդում է կանանց վրա:
Լոնդոնի Roehampton համալսարանի մասնագետները հետազոտել են 100 կանանց և տղամարդկանց։ Նրանց մի մասին տրվել է ալկոհոլային, իսկ մյուս մասին՝ ոչ ալկոհոլային խմիչք, որից հետո նրանցից պահանջվել է ցուցադրվող դեմքերը որակել «համաչափ» կամ «ոչ համաչափ»:
Ալկոհոլ ընդունածները, մասնավորապես կանայք, չեն կարողացել որոշել՝ դեմքը համաչա՞փ է, թե՞ ոչ:
Գիտնականները մշտապես մարդու գրավչությունը կապել են դեմքի համաչափության հետ: Դեմքի համաչափությունը նաև խոսում է ամուր առողջության մասին:
