Երեք միլիոն տարի առաջ Երկիր մոլորակի վրա ապրող նախամարդու «նոր տեսակին» պատկանող ոտքի մնացորդը հնարավորություն կտա պատկերացում կազմել այն մասին, թե ինչպես է մարդը սկսել քայլել երկու ոտքի վրա:
Daily Mail-ը գրում է, որ նոր հայտնաբերված մնացորդները թույլ են տալիս ենթադրել, որ 3-4 միլիոն տարի առաջ նախամարդու մի քանի տեսակներ են գոյություն ունեցել: Չնայած այս նոր հայտնաբերված տեսակը նույնպես քայլել է ուղիղ մեջքով, բայց նրա ոտնաթաթերը հարմար են եղել ծառեր բարձրանալու համար:
Այս արարածի մասին հայտնի է դարձել այն ժամանակ, երբ հետազոտողների միջազգային թիմն արևելյան Աֆրիկայում հայտնաբերել է ոտքի մի մաս:
