Mozilla կորպորացիան Little Workshop ստուդիայի հետ համատեղ թողարկել է BrowserQuest անվճար օնլայն խաղը: Այս մասին ասվում է Mozilla Hacks բլոգում: Խաղը հիմնված է HTML5 և JavaScript տեխնոլոգիայի վրա:
Mozilla բլոգում գրված է. դուք խաղում եք երիտասարդ զինվորի փոխարեն, որը տարված է արկածներով: Արքայադստերը փրկել պետք չէ: Ձեր առջև վտանգավոր աշխարհ է՝ թաքնված գանձերով, որ պետք է գտնեք:
BrowserQuest կարելի է խաղալ բրաուզերի միջոցով՝ HTML5-ի աջակցությամբ: Խաղը աշխատում է Firefox, Chrome և Safari բրաուզերներում, Opera-ում` միայն WebSockets աջակցությամբ, iPhone, iPad և iPod touch, ինչպես նաև Android սարքավորումների վրա Firefox բրաուզերով:
BrowserQuest-ի ելակետային կոդերը նշված են GitHub կայքում:
2012 թ. Mozilla-ն մտադիր է թողարկել HTML5 ծրագրային ինտերնետ խանութ, որ կկարողանա աշխատել տարբեր բրաուզերներում և տարբեր օպերացիոն համակարգերի ներքո:
