Google ընկերությունը փորձում է ստանալ արտոնագիր, որը նկարագրում է օգտվողների հեռախոսով լսելու համակարգը և ֆոնային աղմուկի ճանաչումը, ինչպես նաև այդ տեղեկատվության օգտագործումը կոնտեքստային գովազդի ընտրության համար: Այս մասին տեղեկացնում է HAKER.ru-ն:
Արտոնագիր ստանալու դիմումը, ինչպես պարզվել է օրերս, տրվել է դեռևս 2008թ., բայց այն հրապարակվել է միայն այսօր:
Չնայած առաջին հայացքից նման տեխնոլոգիան թվում է, թե դուրս է եկել Ջորջ Օրուելի վեպերի էջերից, «Մեծ եղբայրը» խոստանում է այն օգտագործել միայն իր ծառայություններից օգտվողների հետաքրքրությունների շրջանակներում` պետք եղած պահին օգտակար հուշումներ տալու համար:
Բացի այդ, ըստ Google-ի պաշտոնական մեկնաբանության, Gizmodo տեխնոբլոգի համար ինտերնետ-հսկան արտոնագրում է իր աշխատակիցների գլուխն եկած «ցանկացած հետաքրքիր միտք», նույնիսկ նրանք, որոնք չի պատրաստվում օգտագործել: Դա սովորական պրակտիկա է ամերիկյան խոշոր կորպորացիաների համար:
Այդ մտքերից մի քանիսը հետագայում իրականացվում են իրական արտադրանքների կամ ծառայությունների մեջ, մյուսները` ոչ, դրա համար ընկերությունը խորհուրդ է տալիս իր զարգացման ուղղությունների մասին չդատել ըստ իրենց տված արտոնագրային դիմումների:
