Իրանական IRNA լրատվական գործակալության փոխանցմամբ՝ Իրանից դեպի Պակիստան գազատարի կառուցման նախագծի իրագործումը փրկչի դեր կխաղա Պակիստանի տնտեսության համար: Այս մասին Իսլամաբադում տեղի ունեցած մամուլի ասուլիսի ժամանակ հայտարարել է Պակիստանի տեղեկատվության նախարար Ֆիրդոուս Աշըգ Ավանը:
Վերջինիս խոսքերով՝ իրանական գազի մատակարարումները կկանխեն երկրում էներգետիկ ճգնաժամի առաջացումը, ինչպես նաև էականորեն կանդրադառնան հետագա սերունդների կենսամակարդակի վրա.
«Մեր երկիրը ջանքեր է գործադրում տվյալ նախագծի հաջող զարգացման ուղղությամբ, ըստ որի՝ Պակիստանին իրանական գազի մատակարարումները մեկնարկելու են 2014 թվականի կեսերին: Իրանը պատրաստ է էներգետիկ ոլորտում աջակցել մեր երկրին»: