ՀՅԴ գրասենյակից «ՀԺ»-ին հայտնել են, որ Դաշնակցությունը պատրաստվում է ապրիլի 10-ին Ազատության հրապարակում հանրահավաք անել:
«Դա կլինի կուսակցության առաջին նախընտրական հանրահավաքը:
Հիշեցնենք, որ ՀՅԴ-ն պատրաստվում է մարզերում ևս հանրահավաքներ անել և արդեն գրաֆիկ է կազմել դրա համար: Երևանի քաղաքապետարանը երեկ ի գիտություն է ընդունել ՀՅԴ ԳԱ անդամ Արմեն Ռուստամյանի իրազեկումը` ապրիլի 10-ին հանրահավաք և երթ անելու վերաբերյալ: ՀՅԴ հանրահավաքից երկու օր առաջ էլ Ազատության հրապարակում պատրաստվում է հանրահավաք անել «Օրինաց երկիրը»: Երեկ հայտնի է դարձել, որ Երևանի քաղաքապետարանն ի գիտություն է ընդունել նաև ՕԵԿ-ի իրազեկումը:
Երթ, սակայն, ՕԵԿ-ը չի անելու: Ի դեպ, Երևանի քաղաքապետարանն ի գիտություն է ընդունել նաև Հայ ազգային կոնգրեսի` մարտի 30-ին Ազատության հրապարակում հանրահավաք, այնուհետև երթ անցկացնելու իրազեկումը»:
