Սլովենիայի Մարիբոր քաղաքում մարտի 15-18-ը տեղի ունեցած Եվրոպական ուսանողական մարզական ասոցիացիայի վեհաժողովում Հայաստանի մարզական ուսանողական ֆեդերացիան, որի նախագահը ՀՀ կրթության և գիտության նախարար Արմեն Աշոտյանն է, դարձել է Եվրոպական ուսանողական մարզական ասոցիացիայի լիիրավ անդամ: Այս մասին «Առաջին լրատվական»-ին տեղեկացնում են կրթության և գիտության նախարարության լրատվական ծառայությունից:
Վերջին շրջանում Հայաստանի ուսանողական մարզական ֆեդերացիայի ակտիվ աշխատանքի շնորհիվ վեհաժողովը, որին մասնակցել են 44 երկրներ, միաձայն քվեարկության արդյունքում ՀՈՒՖ-ն ճանաչել է որպես լիիրավ անդամ: Հուլիսի 13-23-ը Իսպանիայի Կորդոբա քաղաքում կկայանա Եվրոպական ուսանողական անդրանիկ օլիմպիադան, որին կմասնակցեն նաև Հայաստանի ուսանող-մարզիկները:
