Ինքնաթիռներ պատրաստող աշխարհի երեք խոշորագույն ընկերությունները` ամերիկյան Airbus-ը և Boeing-ը, բրազիլական Embraer-ը, համագործակցության նախնական համաձայնագիր են կնքել, որն ուղղված է էկոլոգիապես ավելի մաքուր ավիացիոն վառելանյութ ստեղծելուն։ Ընկերությունները համագործակցելու են բիովառելանյութ ստեղծող ընկերությունների հետ:
Այս տարվա հունվարի մեկից Եվրամիությունում գործում է մի օրենք, որը եվրոպական երկրների օդանավակայաններով թռիչքներ իրականացնող ավիաընկերություններին պարտավորեցնում է գնել քվոտաներ, եթե ինքնաթիռները թույլատրված նորմայից շատ «ջերմոցային» գազեր են արտանետում:
Ավելի քան 30 երկրներ իրենց անհամաձայնությունն են հայտնել այս կապակցությամբ: Իր հերթին Եվրահանձնաժողովը հայտարարել է, որ չի վերանայի այս որոշումը: Դրա հետ մեկտեղ ԵՄ-ն հասկացրել է, որ պատրաստ է համագործակցել այն ավիաընկերությունների հետ, որոնք միջոցներ կձեռնարկեն մթնոլորտ արտանետվող գազերի կրճատման ուղղությամբ: