Նոր հետազոտության արդյունքում պարզվել է, որ եթե մի ժամանակ նախքան ամուսնությունը միասին ապրելը կարող էր արագ ամուսնալուծության պատճառ դառնալ, ապա այժմ դա այլևս այպես չէ:
Daily Mail-ը գրում է, որ ԱՄՆ-ի Հիվանդությունների վերահսկման կենտրոնի անցկացրած նոր հետազոտության համաձայն՝ նշանված զույգերն այժմ նույնքան հավանականություն ունեն միասին ապրելու միջինը 15 տարի, որքան այն զույգերը, որոնք սկսում են միասին ապրել միայն իրենց հարսանեկան արարողությունից հետո:
Սա տարբերվում է նախորդ հետազոտություններից, որոնք բացահայտել էին, որ առանց ամուսնական մատանու միասին ապրելը կարող է ամուսնալուծության պատճառ դառնալ:
Հետազոտության արդյունքում նաև պարզվել է, որ 1960-ական թվականներին ԱՄՆ-ում զույգերի միայն 10 տոկոսն է նախքան ամուսնությունը միասին ապրել, բայց այժմ զույգերի ավելի քան 60 տոկոսը նախընտրում է նախքան հարսանիքը միասին ապրել:
