ԿԳ նախարար Արմեն Աշոտյանը լրագրողների հետ հանդիպման ժամանակ խոսեց կրթության և գիտության ոլորտում գերակա խնդիրների և ծրագրերի մասին: Նախարարը գերակա խնդիրները տարանջատեց մի քանի ուղղությունների։ Նա նշեց, որ նախադպրոցական կրթության ոլորտում չորս մարզերում այս տարի կստեղծվեն նախակրթարաններ, և շուրջ 70 համայնքի 2000 երեխա կրթություն կստանա նախակրթական դպրոցներում:
«2011 թվականը ավագ դպրոցների ամբողջացման վերջին տարին է, և ավագ դպրոցների թիվը այս տարեվերջին կհասնի 104-105-ի:
Կրթության և գիտության մյուս գերակա խնդիրն այն է, որ հանրակրթական մի շարք դպրոցներ միանան համացանցին: «Այս տարի 414 հանրակրթական դպրոց կմիանա համացանցին, տարեվերջին համացանցին միացած դպրոցների թիվը կկազմի 93 տոկոս: Որոշ դպրոցներ կրկին կմնան առանց ինտերնետի միմիայն իրենց տարածքի տեխնիկական անհամապատասխանության պատճառով: Սա այս տարվա ամենախոշոր ծրագրերից մեկն է»,- նշեց ԿԳ նախարար Արմեն Աշոտյանը:
