Ամերիկյան բանակի սերժանտ Թերրի Հոլը դատապարտվել է 3 տարի ու 3 ամիս ժամկետով ազատազրկման` կապված բանակում բազմամիլիոնանոց յուրացումների գործի հետ: Այս մասին հայտնում է The Wall Street Journal-ը:
Դատավճիռը կայացրել է Բիրմինգհեմի դաշնային դատավորը (Ալաբամա նահանգ): Կբռնագանձվեն նաև Հոլին պատկանող անշարժ գույքն ու միջոցները, որոնք ստացվել են անօրինական ճանապարհով (թերթի տվյալներով` խոսքը միլիոնավոր դոլարների մասին է):
Հետաքննության արդյունքում պարզվել է, որ 46-ամյա Հոլը 2005-2006թթ. Քուվեյթում պատվերներ տվող զինվորականների և գործարարներ միջև միջնորդ է եղել:
Նրան սպառնում էր մինչև 20 տարվա ազատազրկում: Ամենայն հավանականությամբ, մեղմ դատավճիռ է կայացվել այն պատճառով, որ Հոլը 2011թ. վկայություն է տվել գործով անցնող գլխավոր մեղադրյալ` մայոր Էդդի Փրեսլիի դեմ, որին 2012թ. դատապարտեցին 12 տարվա ազատազրկման:
Իրենց մեղքն այս գործով ընդունել էին մի քանի սպա, այդ թվում` 4 մայոր ու փոխգնդապետ:
Կաշառքների գումարը ու յուրացումները, հետաքննության տվյալներով, գերազանցել են 20 մլն դոլարը:
