Ինչպես փոխանցում է բրիտանական BBC-ն, ժողովրդական հուզումբերի պատճառով Թունիսը լքած երկրի նախագահ բեն Ալին ժամանել է Սաուդյան Արաբիա:
Սաուդյան Արաբիայի թագավորական տան հայտարարության մեջ նշվում է, որ եղբայրական Թունիսում ստեղծված իրավիճակով մտահոգված, աջակցելով անվտանգությանն ու կայունությանն այդ երկրում` Սաուդյան Արաբիայի կառավարությունն ընդունել է նախագահ Զին Ալ-Աբիդին բեն Ալիին և նրա ընտանիքին:
«Առաջին լրատվականը» երեկ հաղորդել էր, որ Թունիսում մի քանի օր տևած հուզումներից հետո երկրի նախագահը ստիպված փախել էր երկրից, իսկ իշխանությունն անցել էր վարչապետ Մուհամադ Գանուչիին, որը մի քանի ժամ առաջ պաշտոնից հեռացվել էր արդեն նախկին նախագահի կողմից: Այսպիսով, վերջ դրվեց բեն Ալիի 23-ամյա կառավարմանը Թունիսում: