Ադրբեջանական 1news.az-ի փոխանցմամբ` այս տարի Ադրբեջանի և ԱՄՆ-ի զինվորականների մասնակցությամբ տեղի է ունենալու երկու զորավարժություն: Այս մասին հայտնում են ռազմական աղբյուրները:
Առաջին զորավարժությունը տեղի է ունենալու այս տարվա ամռանը Ռումինիայում: Դրան մասնակցելու է 75 ադրբեջանցի զինվորական: Բացի ամերիկացի զինծառայողներից, դրան կմասնակցեն նաև Բուլղարիայի, Ռուսաստանի և այլ երկրների զինվորականները:
2012 թվականի աշնանը տեղի կունենան առանձին ադրբեջանա-ամերիկյան զորավարժություններ, որոնց կմասնակցեն 100 ադրբեջանցի զինծառայողներ: