РИА Новости-ի փոխանցմամբ՝ Իրանի ԱԳՆ-ի պաշտոնական ներկայացուցիչ Ռամին Մեհմանփարաստը խղճուկ քարոզչություն է որակել արևմտյան ԶԼՄ-ների կողմից շրջանառության մեջ դրած այն տեղեկատվությունը, թե Իրանը վերացնում է նեյտրոնային պայթուցիչի փորձարկման հետքերը «Փարչին» ռազմական օբյեկտում.
««Փարչինը» ռազմական օբյեկտ է, որում իրականացվում են ստանդարտ ռազմական աշխատանքներ: Ռազմական միջուկային փորձարկումների հետքերը մաքրելու մեկնաբանությունները սխալ և անտրամաբանական են: Դա խղճուկ քարոզչություն է: Նրանք, ովքեր ծանոթ են տեխնիկական դետալներին, գիտեն, որ եթե օբյեկտում իրականացվում են միջուկային փորձարկումներ, ապա ապացույցները թաքցնելն անհնար է»:
Հիշեցնենք, որ օրեր առաջ ԱԷՄԳ-ը հայտարարել էր, թե Իրանն անցանկալի հետքերից հապճեպ մաքրում է «Փարչինը»:
