Թուրքական Cumhuriyet թերթի փոխանցմամբ՝ ուկրաինական FEMEN շարժման աղջիկները, որոնք երեկ ժամանել են Թուրքիա, այսօր մարտի 8-ի կապակցությամբ բողոքի ակցիա են անցկացրել Այա Սոֆիայի մզկիթի առջև՝ որպես բողոքի նշան թուրքական ընտանիքներում կանանց նկատմամբ գործադրվող բռնությունների:
Կեսօրին FEMEN-ի աղջիկները ավտոմեքենայով հայտնվել են մզկիթի մոտ և այնտեղ գտնվող մարդկանց առաջ սկսել են իրենց կիսամերկ ակցիան՝ ապշեցնելով նրանց: Նրանք «զինված են» եղել թուրքերեն և անգլերեն պաստառներով, որոնցում իրենց բողոքն են հայտնել թուրք կանանց նկատմամբ գործադրվող բռնությունների կապակցությամբ:
Սակայն շուտով գործին միջամտել է թուրքական ոստիկանությունը և ձերբակալել է FEMEN-ի ակտիվիստուհիներին: Նշվում է, որ սա FEMEN-ի առաջին ակցիան էր Թուրքիայում:
Հիշեցնենք. վիճակագրական տվյալները վկայում են, որ թրքուհիների ավելի քան 40 տոկոսը կյանքում առնվազն մեկ անգամ ենթարկվել է այս կամ այն տիպի բռնության: