Ինչպես այսօր հայտնում է CNN ռադիոկայանը, աճուրդի է հանվել «Բիթլզ» խմբի անդամ Ջոն Լենոնի առաջին ավտոմեքենան` երկնագույն Ferrari 330 GT 2+2-ն: Փարիզի Bonhams աճուրդում այն ցանկանում են վաճառել 260 հազար դոլարով:
«Առաջին լրատվականն» արդեն տեղեկացրել էր, որ վերջին շրջանում Լենոնին և «Բիթլզ» խմբին մեծ ուշադրություն է դարձվում: Մասնավորապես հայտնի էր դարձել, որ նրանց ամենահայտնի ալբոմներից մեկի՝ Abbey Road-ի վրա պատկերված անցումը Լոնդոնի իշխանությունները մտցրել էին քաղաքի պատմամշակութային արժեքների ցանկի մեջ: Իսկ այս տարվա հունվարի 4-ին աճուրդի ժամանակ 46 հազար դոլարով վաճառվել էր Լենոնի կոստյումներից մեկը: Այդ կոստյումով նա պատկերված է վերոնշյալ Abbey Road ալբոմի շապիկին: