Փառասեր մարդիկ, ովքեր ձգտում են ընդունվել լավագույն բուհեր, ստանալ լավագույն պաշտոնը, իրականում միշտ չէ, որ կարող են պարծենալ իրենց երջանկությամբ: Նոտր-Դամի համալսարանին առընթեր Մենդոզի բիզնես-քոլեջի պրոֆեսոր Տիմոտի Ջաջը փորձել է հասկանալ այդ պարադոքսը։ Այս մասին գրում է The Times of India-ն:
Բնավորության այս գիծը դրական է անդրադառնում, համենայնդեպս՝ կարիերայի վրա։ Սակայն գոյություն ունի նաև մեդալի հակառակ կողմը: Չնայած ջանասիրությանը և ձեռքբերումներին՝ փառասեր մարդիկ մյուսներից ավելի քիչ են երջանիկ: Ավելին, նրանց կյանքի տևողությունն ավելի կարճ է:
Պրոֆեսորն այս եզրակացություններին հանգել է ուսումնասիրություններից հետո, որին մասնակցել է 717 մարդ: Մասնավորապես, գիտնականին հետաքրքրել է նրանց մասնագիտության հարգի լինելը: Ինչպես և ենթադրվում էր, փառասեր մարդիկ սովորել են լավագույն բուհերում, աշխատել են ավելի հեղինակավոր բնագավառներում և շատ գումար են վաստակել:
Սակայն այս ամենը քիչ ազդեցություն է ունեցել կյանքում բավարարվածության զգացում ունենալու վրա: Իրականում փառասեր մարդիկ իրենց շատ վատ են զգում և մահանում են ավելի վաղ տարիքում:
