ԱՄՆ ծովային ուժերը կիրակի օրը հայտնել են, որ փրկել են իրանցի մի նավաստու, ում նավակը ավելի վաղ՝ այս շաբաթ, խորտակվել էր Պարսից ծոցում:
Ինչպես հաղորդում է AFP-ն, ռազմական հայտարարության մեջ ասվել է, որ ԱՄՆ նավերը որոնումներ էին իրականացրել և փորձել փրկել իրանական նավի խորտակումից տուժածներին: Նրանք կարողացել են փրկել միայն մեկին:
Թարգմանիչը փրկված նավաստուց տեղեկացել է, որ նավակը, որում վեց հոգի են եղել, խորտակվել է ուրբաթ օրը՝ վատ եղանակի պատճառով: Նրանցից 4-ը մահացել են, մինչդեռ մեկը դեռևս համարվում է անհայտ կորած:
