Ֆրանսիան որոշել է փակել իր դեսպանատունը Սիրիայում՝ կապված այդ երկրում շարունակվող բռնության ալիքի հետ: Այս մասին, ինչպես հաղորդում է RIA Novosti-ն, հայտարարել է Ֆրանսիայի նախագահ Նիկոլա Սարկոզին:
«Այն, ինչ կատարվում է Սիրիայում, սկանդալային է, Հոմս քաղաքը կարող է ջնջվել երկրի երեսից: Մենք Ալեն Ժյուպերի հետ (ԱԳ նախարար.- 1in.am) որոշում ենք կայացրել փակել մեր դեսպանատունը»,- ասել է Սարկոզին Բրյուսելում տեղի ունեցած մամուլի ասուլիսին:
Հիշեցնենք. ավելի վաղ Ֆրանսիան հետ էր կանչել իր դեսպանին Դամասկոսից: Բացի նրանից՝ նման քայլի էին դիմել Գերմանիան, Իտալիան և Եգիպտոսը, իսկ Կատարն ու ԱՄՆ-ն փակել էին իրենց դեսպաանտները:
Երեկ Դամասկոսի իր դեսպանատունը փակեց նաև Շվեյցարիան, իսկ Մեծ Բրիտանիան հետ կանչեց իր դիվանագետներին:
