Ռուսական Интерфакс գործակալության փոխանցմամբ` Իսրայելի փոխարտգործնախարար Դանի Այալոնն իսրայելական ռադիոյին տված հարցազրույցի ժամանակ հայտարարել է, որ ԱՄՆ-ի կողմից Իրանի և Հյուսիսային Կորեայի միջուկային ծրագրերի միջև արված զուգահեռները տեղին չեն, քանի որ Հյուսիսային Կորեան արդեն իսկ ստեղծել է միջուկային զենք.
«Անթույլատրելի է, որ Իրանն էլ ստեղծի միջուկային զենք: Հյուսիսային Կորեան արդեն անցել է այդ ելակետը (միջուկային զենքի ստեղծումը), ինչը մենք չենք ցանկանա տեսնել Իրանի պարագայում»:
Հիշեցնենք, որ երկուշաբթի Իսրայելի վարչապետ Բենիամին Նեթանյահուն մեկնում է ԱՄՆ, ուր և հանդիպելու է նախագահ Բարաք Օբամայի հետ և քննարկելու է Իրանի միջուկային ծրագրի վերաբերյալ առկա տարձայնությունները: Ամերիկյան հետախուզության պատրաստած զեկույցի համաձայն՝ Իրանը մտադիր չէ ստեղծել միջուկային զենք:
