Ինչպես արդեն հաղորդել էինք, Սիրիան դադարեցրել է Հոմս քաղաքի պաշարումը, և, The Washington Post-ի և մի շարք այլ լրատվական գործակալությունների փոխանցմամբ, ապստամբները հեռացել են քաղաքից:
Միևնույն ժամանակ Կարմիր խաչի միջազգային կազմակերպությունը հայտնել էր, որ իրենց թույլ են տվել օգնություն ցուցաբերել:
Bloomberg-ը հաղորդում է, որ դրանից մի քանի ժամ առաջ ՄԱԿ-ի Անվտանգության խորհուրդը հայտնել էր Սիրիայի վերաբերյալ իրենց առաջին միասնական հայտարարության մասին, որով Բաշար Ալ-Ասադից պահանջվում էր թույլ տալ մարդասիրական օգնության մուտքը երկիր:
Անվտանգության խորհրդի քվեարկության ժամանակ Ռուսաստանը կողմ է արտահայտվել, որը, ամենայն հավանականությամբ, ազդանշան է, որ Բաշար Ալ-Ասադի կայուն պաշտպանությունը այլևս նախկինի նման չի լինի:
