«ԱԺ նախագահ Սամվել Նիկոյանը ՀՀԿ-ական պատգամավոր Միշա Ստեփանյանին ծննդյան օրվա առթիվ ուշագրավ նվեր է արել»,- գրում է «Ժողովուրդ»-ը և հավելում.
«Մեր տեղեկություններով` շաբաթ առավոտյան` Ստեփանյանի ծննդյան օրը, Աժ-ից զանգահարել են նրան ու հրավիրել խորհրդարան: Այստեղ էլ Նիկոյանը հանդիսավոր կերպով իր տեղակալ էդուարդ Շարմազանովի և Աժ մի խումբ աշխատակիցների ներկայությամբ Ստեփանյանին մի զավեշտալի պատվոգիր է հանձնել.
«Ակտիվ պատգամավորական գործունեության և ծննդյան օրվա կապակցությամբ»: Կատարվածը բավականին զվարճացրել էր ՀՀԿ-ական պատգամավորներին, որոնք ակտիվորեն քննարկում էին Նիկոյանի նվերը` պատգամավորի ծննդյան օրվա առթիվ»:
«Ժողովուրդ»-ը Ստեփանյանից չի կարողացել ճշտել` որքանով է այդ նվերը դուր եկել նրան. պատգամավորն անջատել էր հեռախոսը:
