Իսպանիայի ազգային հավաքականի և Մադրիդի «Ռեալ»-ի դարպասապահ Իկեր Կասիլյասը կրկնեց հոլանդացի դարպասապահ Էդվին վան դեր Սարի` հավաքականի կազմում անցկացրած «չոր» խաղերի ռեկորդը:
Marca-ի տեղեկացմամբ երեկ կայացած Վենեսուելայի ընտրանու հետ ընկերական հանդիպումը դարպասապահի համար 72-րդն էր, որի ժամանակ նա անառիկ պահեց իր պաշտպանած դարպասը: Իկերն ընդհանուր առմամբ հավաքականի կազմում 128 հանդիպում է անցկացրել, որոնց ժամանակ բաց է թողել 75 գնդակ: Իսպանացի ֆուտբոլիստն ազգային հավաքականի կազմում 2008 և 2010 թվականներին դարձել է համապատասխանաբար Եվրոպայի և աշխարհի չեմպիոն:
Նշենք, որ «արքայական ակումբ»-ի խաղացողը մոտ է նաև Լիլիան Թյուրամի` ազգային ընտրանու կազմում անցկացրած հաղթական խաղերի ռեկորդը գերազանցելուն: Թյուրամը 124 խաղում 94 հաղթանակ է տարել. Կասիլյասը ֆրանսիացուն զիջում է մեկ հանդիպումով:
